საპარლამენტო უმრავლესობის წევრები და აპარატის თანამშრომლები პარლამენტში ჩიტაძის ქუჩიდან შეჰყავთ. „აგენტების კანონის“ მოწინააღმდეგეები მათ „მონებს" და „რუსებს" ეძახიან.

მანამდე ჩიტაძის ქუჩა საპოლიციო ძალებმა მომიტინგეებისგან გაათავისუფლეს. ამჟამად აქციის მონაწილეები ჭიჭინაძის ქუჩაზე არიან შეკრებილები.

მშვიდობიანი აქცია პარლამენტთან 22:00 საათზე დაიწყო. 9 საათიდან, პარლამენტის იურიდიულ საკითხთა კომიტეტს „აგენტების კანონის“ მესამე მოსმენით განხილვა აქვს დაგეგმილი.