დნიპროში რუსი ოკუპანტების მიერ 28 ივნისს და 3 ივლისს განხორციელებული იერიშების შედეგად დაღუპულთა რიცხვი გაიზარდა.

ადგილობრივი ხელისუფლების ცნობით, 28 ივნისს დაზიანებული სახლის ნანგრევების ქვეშ მაშველებმა ქალის ცხედარი იპოვეს, რამაც იმ ავიაიერიშის მსხვერპლი 3-მდე გაზარდა.

ასევე, საავადმყოფოში გარდაიცვალა 60 წლის ქალი, რომელიც გუშინდელი იერიშის შედეგად დაიჭრა.

ადგილობრივი ხელისუფლების ინფორმაციით, დნიპროში დღეს გლოვის დღეა გამოცხადებული. საერთო ჯამში ბოლო დღეებში რუსეთის იერიშებს 6 ადამიანი ემსხვერპლა.