ლატვიის საგარეო საქმეთა მინისტრი, ბაიბა ბრაჟე საქართველოს პრეზიდენტის, სალომე ზურაბიშვილის ვეტოს გამოეხმაურა და აღნიშნა, რომ კანონი აშკარა საფრთხეა ქვეყნის ევროპული გზისთვის.
ბაიბა ბრაჟემ საქართველოს მთავრობას და პარლამენტს კანონის გაწვევისკენ და მიდგომების გადახედვისკენ მოუწოდა.
„საქართველოს პრეზიდენტმა, სალომე ზურაბიშვილმა ვეტო დაადო კანონს, რომელმაც საქართველოში დიდი პროტესტი გამოიწვია და რომელიც აშკარა საფრთხეა ქვეყნის ევროპული გზისთვის. ლატვია მოუწოდებს საქართველოს მთავრობას და პარლამენტს, გაიწვიონ კანონი და გადახედონ მიდგომას“, – წერს ლატვიის საგარეო საქმეთა მინისტრი X-ზე.
საქართველოს პრეზიდენტმა, სალომე ზურაბიშვილმა „აგენტების კანონს“ ვეტო დღეს დაადო.
Georgia’s🇬🇪 President @Zourabichvili_S has vetoed the law that has created huge protests in #Georgia and a clear danger to the country’s European🇪🇺 path.
— Baiba Braže (@Braze_Baiba) May 18, 2024
Latvia urges the Georgian government and parliament to withdraw the law and reconsider the approach. https://t.co/b6BuKK4YeA
